شىنىندا دا وزىمىزگە دە وڭاي بولمايىن دەپ تۇر. ويتكەنى قاتتى اياز كەلە جاتىر. وسىعان بايلانىستى قىرعىزستاننىڭ سىرتقى ىستەر مينيسترلىگى قىرعىز ازاماتتارعا الداعى ءۇش كۇندە قازاقستانعا بارۋعا تىيىم سالدى.
جول بويى قالىڭ قار جانە قاتتى اياز بولعاندىقتان مينيسترلىك اۆتوكولىكپەن قازاق جەرىنە جولعا شىقپاۋدى وتىنەدى. ويتكەنى تاياۋداعى ءۇش كۇندە قازاق جەرىندە اياز كۇشىنە مىنەدى. كۇن سۋىتادى. بۇرقاسىن بولادى.
21-22 جەلتوقسان كۇندەرى رەسپۋبليكانىڭ ءبىرقاتار جەرلەرىندە اۋانىڭ تەمپەراتۋراسى -40 گرادۋسقا دەيىن تومەندەۋى مۇمكىن. بۇل اقپاراتتى قازاقستاننىڭ توتەنشە جاعداي دەپارتامەنتى دە راستاپ وتىر. اسىرەسە، استانادا -30-32، اقمولا وبلىسىندا 30-33، قاراعاندى وبلىسىندا -33-38 گرادۋسقا دەيىن اۋا تەمپەراتۋراسى تومەندەيدى. سوندىقتان كۇننىڭ سۋىقتىعىنا وراي قىرعىزستاننىڭ سىرتقى ىستەر مينيسترلىگى الداعى ءۇش كۇندە قىرعىزستاندىق جولاۋشىلارعا قازاقستان تەرريتورياسى ارقىلى جول جۇرمەۋدى وتىنەدى.
